Australia shfuqizon skemën e “vizave të arta” për të pasurit

Një skemë vizash e krijuar për të tërhequr investitorë të huaj në Australi është hequr nga qeveria

Foto ilustrim

Australia e ka shfuqizuar skemën e të ashtuquajturave “viza të arta”, të cilat u kanë mundësuar investitorëve të pasur që të jetojnë në këtë vend.

Ndonëse synim kishte tërheqjen e investimeve të huaja, zyrtarët qeveritarë kanë gjetur së fundi se skema ka prodhuar “rezultate të dobëta ekonomike”.

Kritikët kanë argumentuar për kohë të gjatë se skema është shfrytëzuar prej “zyrtarëve të korruptuar” për t’i ruajtur mjetet e fituara në mënyrë ilegale.

Kjo skemë tani do të zëvendësohet me një program të vizave për punëtorë të kualifikuar.

Mijëra viza janë dhënë në kuadër të programit për të pasurit, qysh prej vitit 2012, dhe pothuajse 85 për qind e aplikimeve të suksesshme kanë qenë prej Kinës, sipas të dhënave qeveritare.

Skema ka paraparë që kandidatët që kanë fituar këtë vizë është dashur të investojnë në Australi 3.3 milionë dollarë amerikanë, raporton REL.

Edhe Mbretëria e Bashkuar ka vepruar njëjtë më 2022, duke u dhënë fund skemave që u mundësojnë të pasurve lehtësim të procedurave për qëndrim, pas shqetësimeve për qarkullim të parave të pista ruse në territorin e saj.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika