Australia u ofron leje qëndrimi shtetasve të Tuvalusë

Kryeministri australian Anthony Albanese dhe kryeministrin e Tuvalusë, Kausea Natano, teksa e kanë arritur marrëveshjen. Foto: AP

Australia u ka ofruar strehim shtetasve të Tuvalusë, për shkak të ndikimit katastrofik të ndryshimeve klimatike në vendin e tyre, është thënë në paktin e ri të arritur në mes të dy palëve.

Tuvaluja është në mesin e vendeve që rrezikohen më së shumti nga rritja e nivelit të deteve.

Aty banojnë 11.200 njerëz, të cilët vazhdimisht kanë bërë thirrje që bota të veprojë më shumë për t’i luftuar ndryshimet klimatike.

Kryeministri australian, Anthony Albanese, e ka përshkruar marrëveshjen si “kyçe”.

Kryeministri i Tuvalusë, Kausea Natano, e ka quajtur marrëveshjen si shpresëdhënëse dhe hap gjigant drejt misionit për të siguruar stabilitet rajonal.

Rreth 280 personave në vit do t’iu lëshohen viza të reja, të cilat iu mundësojnë atyre të jetojnë, të punojnë dhe të studiojnë në Australi.

Kjo është hera e parë që Australia u ka ofruar lejen e qëndrimit shtetasve të huaj, për shkak të kërcënimit që vjen prej ndryshimeve klimatike, kanë raportuar mediat australiane.

“Kjo do të mbahet mend si ditë në të cilën Australia e ka pranuar se ne jemi pjesë e familjes së Paqësorit, dhe aty vjen në pyetje përgjegjësia për të vepruar”, u ka thënë Albanese gazetarëve.

Sipas marrëveshjes, Australia është përkushtuar për ta mbrojtur këtë komb të Paqësorit prej ndonjë agresioni ushtarak, dhe Tuvaluja është pajtuar që nuk do të nënshkruajë marrëveshje të reja për mbrojtje me asnjë shtet tjetër, pa miratim të Australisë.

Zelanda e Re dhe Shtetet e Bashkuara kanë bërë marrëveshje të tilla me disa vende të Paqësorit, përfshirë Palaun, Mirkronezinë dhe Ishujt Kuk. /REL

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika