Presidenti i Austrisë, Alexander Van der Bellen, e ka rikonfirmuar edhe njëherë se Austria është pro liberalizimit të vizave për Kosovën.
Presidenti austriak, e përmendi edhe dialogun Kosovë-Serbi, për të cilin tha se është e rëndësishme të arrihen rezultate pozitive.
“Austria e mbështet plotësisht Kosovën në rrugën e saj drejt integrimit evropian duke përfshirë liberalizimin e vizave. Është edhe më e rëndësishme që Kosova të bëjë të gjitha përpjekjet e mundshme për të arritur rezultate pozitive në dialogun e lehtësuar nga BE-ja”, ka deklaruar ai.
Këto deklaratë presidenti i Austrisë i dha në kuadër të takimit me presidenten e Kosovës, Vjosa Osmani ku kanë diskutuar për thellimin e bashkëpunimit në mes të dy vendeve.