Të premten e 9 dhjetorit dy këmbësorë janë goditur nga një automjet në qytetin e Obiliqit, të cilët kanë marrë lëndime të rënda trupore.
Zëdhënësja Policisë për Rajonin e Prishtinës, Flora Ahmeti e ka konfirmuar këtë ngjarje për Portalin Dukagjini.
“Sot rreth orës 19:00 kemi pranuar informatën se në rrugën ‘Hasan Prishtina’ në Obiliq, ka ndodhur një aksident trafiku. Në këtë aksident kanë qenë të përfshirë, dy këmbësorë dhe një automjet”, ka thënë Ahmeti.
Tutje Ahmeti ka shtuar se si pasojë e aksidentit kanë pësuar lëndime të rënda trupore dy këmbësorë, të cilët janë dërguar për tretman mjekësor.