Qendra e Operacioneve Detare Tregtare e Mbretërisë së Bashkuar (UKMTO) ka paralajmëruar se anijet që përpiqen të kalojnë përmes Ngushticës së Hormuzit përballen me rreziqe “kritike” të sigurisë, për shkak të operacioneve ushtarake që po zhvillohen në rajon.
Në një njoftim të ri, të publikuar pas deklaratave të presidentit amerikan Donald Trump, UKMTO u bën thirrje anijeve që të tregojnë kujdes të shtuar për shkak të pranisë së mundshme të minave dhe kërcënimeve përgjatë rrugëve të lundrimit.
Sipas qendrës, kalimi nëpër korridorin ndërkombëtar të trafikut detar duhet të konsiderohet “shumë i rrezikshëm”, pasi ekziston mundësia e pranisë së minave që ende nuk janë identifikuar ose neutralizuar plotësisht.
Ky korridor, i njohur si Traffic Separation Scheme, është një marrëveshje ndërkombëtare që përcakton rrugët e lundrimit në Ngushticën e Hormuzit që nga viti 1968.
SHBA më herët ka akuzuar Iranin se ka vendosur mina në këtë zonë për të ndikuar në kontrollin e lëvizjes së anijeve. Ndërkohë, Uashingtoni ka deklaruar se synon të shkatërrojë këto mina në kuadër të operacioneve të tij ushtarake në rajon.
Trump me plan për të siguruar kalimin e anijeve të bllokuara në Ngushticën e Hormuzit