Autoritetet serbe janë mobilizuar në masë të madhe teksa vazhdojnë kërkimet për të dyshuarin që vrau një polic serb dhe plagosi një tjetër në Loznicë. Njësia speciale antiterroriste është angazhuar në operacionin e kërkimit, i cili përfshin një numër të madh të forcave policore.
Sipas raportimeve të “N1”, incidenti ndodhi kur policia ndaloi në mënyrë rutinore një taksi me targa turke. Oficeri që ndaloi automjetin kërkoi që njëri nga dy pasagjerët të tregonte çantën që kishte me vete. Kur i kërkuari refuzoi të bënte këtë dhe nisi të qëllonte, ngjarja mori një kthesë tragjike.
Sulmuesi është identifikuar si një shqiptar nga Kosova, i cili kishte gjithashtu një kartë identiteti gjermane. Ky incident ka nxitur një reagim të fortë nga autoritetet serbe, të cilat janë duke bërë çdo përpjekje për ta kapur të dyshuarin.