Autoriteti i Konkurrencës së Kosovës nis hetim ndaj Telekomit të Serbisë

Autoriteti i Konkurrencës së Kosovës ka bërë të ditur se Komisioni për Mbrojtjen e Konkurrencës ka nxjerrë konkluzion për fillimin e procedurës kundër ndërmarrjes MTS D.O.O





Autoriteti i Konkurrencës së Republikës së Kosovës ka njoftuar se ka nisur hetimin ndaj Telekomit Mobil të Serbisë MTS D.O.O.

Sipas AKRK-së, fillimi i procedurës për hetimin e çrregullimit të konkurrencës, ka për qëllim sqarimin e fakteve, dhe në këtë mënyrë, vërtetimin e shkeljes së pretenduar.

Me anë të një njoftimi për media, ky autoritet ka bërë të ditur se Komisioni për Mbrojtjen e Konkurrencës ka nxjerrë Konkluzion për fillimin e procedurës kundër ndërmarrjes MTS D.O.O.

“Autoriteti ka analizuar kushtet e tregut të konkurrencës, dhe duke vepruar sipas detyrës zyrtare, ka zhvilluar shqyrtimin paraprak të vlerësimit të përqendrimit, lidhur me dyshimin e arsyeshëm se ndërmarrja MTS D.O.O. (Telekomi Mobil i Serbisë), e cila operon në tregun përkatës, të ofrimit të shërbimeve të internetit dhe atë kabllor në territorin e Republikës së Kosovës, ka realizuar shitblerje të aksioneve në tregun përkatës, duke fituar kontrollin mbi ndërmarrjet e tjera, për të cilat, përmbushet detyrimi ligjor për njoftimin e përqendrimit, sipas ligjit për mbrojtjen e konkurrencës”, thuhet në njoftim.

Autoriteti njofton se Transaksionet/blerjet nëse janë realizuar, pa e dorëzuar njoftimin e detyrueshëm për qëllimin e përqendrimit sipas Ligjit 08/L-056 për Mbrojtjen e Konkurrencës, paraqet formë të kufizimit ose shtrembërimit të konkurrencës nga ndërmarrjet në territorin e Republikës së Kosovës ose jashtë territorit, nëse veprimet e tyre kanë efekt në tregun e Republikës së Kosovës.

“Kontrolli i bashkimeve synon të parandalojë shtrembërimet e konkurrencës dhe synon të parandalojë efektet antikonkurruese përpara se ato të ndodhin (ex ante)”, thuhet në njoftim.

Autoriteti ka njoftuar se fillimi i procedurës për hetimin e çrregullimit të konkurrencës, ka për qëllim sqarimin e fakteve, dhe në këtë mënyrë, vërtetimin e shkeljes së pretenduar.

“AKRK do të marrë vendimin e saj meritor, bazuar në faktet e vërtetuara të rastit dhe do të mbajë të informuar opinionin dhe qytetarët, të cilët marrin shërbime nga ndërmarrja MTS D.O.O”, vijon njoftimi.





Shija e redaktorit

FSK publikon momentin kur shpëtohet vajza 2 vjeçare në Turqi...

Ekipi i Forcave të Sigurisë së Kosovës (FSK), i cili është dërguar në Turqi për ndihmë pas tërmetit, e ka shpëtuar një vajzë dyvjeçare. Ata...

Skuadra e dytë në operacionin e kërkim-shpëtimit nga Shqipëria mbërrin...

Skuadra e dytë e Shqipërisë në operacionin e kërkim-shpëtimit në zonat e prekura nga tërmeti, tashmë ka arritur në Turqi. Kështu ka njoftuar kryeministri i...

Grupi parlamentar i SPD-së miraton në Bundestag letërqëndrimin për anëtarësimin...

Deputeti gjermano-kroat, Josip Juratoviq, nga Grupi parlamentar i SPD-së së Bundestagut gjerman, ka njoftuar se më 7 shkurt është miratuar dokumenti në mbështetje të...

Më të lexuarat

Kush është Dibran Hoxha, i dënuar 16 herë për vepra...

Pronari i lokalit “Kobra City”, Dibran Hoxha, i cili është i dyshuari kryesor për vrasjen e 31- vjeçarit nga Kukësi i Shqipërisë, është emër...

Hapet aplikimi për shtesa për fëmijët e lindur nga viti...

Ministria e Financave, Punës dhe Transfereve ka njoftuar qytetarët të shtunën, për hapjen e aplikimit për fëmijët e lindur nga 1 janari i vitit...

Sa është e rrezikuar Kosova nga tërmetet, çfarë cilësie kanë...

Tërmete si ky i fundit në Turqi me fuqi 7.8 shkallë të Rihterit, sipas ekspertëve duhet të jenë mësim edhe për Kosovën. Shemsi Mustafa, udhëheqës...

Të fundit nga rubrika