Avokati i ish-kryeparlamentarit Kadri Veseli, gjatë konferencës së 12-të të Dhomave të Specializuara të Kosovës (DHSK), e ka përmendur edhe Nazim Bllacën
Ben Emmerson, avokat i Veselit, gjatë fjalës së tij ka thënë se Gjykata Speciale ka bashkëpunuar me shërbimet sekrete serbe, të cilët sipas tij, kanë korruptuar dëshmitarë të ndryshëm. Emmerson më tej tha se Nazim Bllaca i cili ishte përmendur për rastin e Kadri Veselit, tashmë ka vdekur.
Dhe prokuroria vazhdon të mbështetet te një dëshmitar në rastin e incidenteve që kanë të bëjnë me rastin e Veselit që është Nazim Bllaca që ka vdekur. Ka informacione që ai ishte një aset serb, një mjet i shërbimeve sekrete serbe”, ka deklaruar Emmerson.
Nazim Bllaca publikisht kishte dalë në skenë në vitin 2009, dhe kishte deklaruar për vete se kishte qenë pjesë e Shërbimit Informativ të Kosovës (SHIK), dhe se në emër të kësaj organizate kishte kryer krime të ndryshme.
Tutje, avokati i Veselit, ka deklaruar se shërbimet sekrete serbe kanë provuar të korruptojnë dëshmitarët, dhe se sipas tij, për këtë gjë ka prova.
“Ne do të theksojmë që ekzistojnë prova nga procesverbalet e Hagës, që shërbimet e Serbisë kanë kërkuar ta korruptojnë dëshminë e cila është paraqitur para gjykatës një dëshmitar e ka pranuar një gjë të tillë që ai ishte dërguar si dëshmitar nga shërbimet sekrete serbe dhe ajo ishte e rreme”, ka thënë ai.