Avokati: Sanduloviqi po dërgohet në burg, jeta e tij është në rrezik (VIDEO)

Çedomir Stojkoviq, avokati i politikanit opozitar serb, Nikola Sanduloviq, ka bërë të ditur se klienti i tij, pasi u torturua, është duke u dërguar në burgun qendror në Beograd, nga emergjenca ku po merrte trajtim si pasojë e rrahjeve nga shërbimi sekret serb.

Avokati u shpreh se jeta e Sanduloviqit është në rrezik.

Kjo është video e përcjelljes së Nikolla Sanduloviqit nga Qendra Emergjente e spitalit të Beogradit në Burgun Qendror, me urdhër të prokurorit publik të Nishit, në momentin kur jeta e Nikollës është në rrezik. Po e largojnë se Nikolla vuri lule mbi varret e shqiptarëve! Është një akuzë zyrtare dhe formale ndaj tij.

📢 BREAKING 4 / BELARUS 2:
This is a video of Nikola Sandulović being taken from the Emergency Center of the hospital in Belgrade to the Central Prison, by order of the public prosecutor from Nis, at the moment when Nikola’s life is in danger

They are taking him away because… https://t.co/H6Ri5avZYH pic.twitter.com/t9BcMNVp4s

— Advokat Čedomir Stojković ☘️🇷🇸🇺🇦🌏 (@FIGHT_4_RIGHT_S) January 5, 2024

Akuza zyrtare, sipas avokatit, është se Sanduloviq “përhap urrejtje ndaj serbëve duke vendosur lule mbi varret e shqiptarëve dhe duke kërkuar falje nga shqiptarët për krimet e bëra”.

Sipas avokatit, ai është rrahur nga BIA vetëm sepse kishte vendosur lule në varrezat e Jasharëve në Prekaz.

“Ai përfundoi në spital në këtë gjendje të keqe, sepse pjesëtarët e sigurimit serb e kishin rrahur dy ditë më parë në ndërtesën e BIA-s për të njëjtën arsye: Sepse vendosi lule mbi varret e shqiptarëve në Kosovë”, tha ai.

Avokati e akuzoi presidentin e Serbisë, Aleksandër Vuçiq, për torturimin e Sanduloviqit.

Sipas tij, Serbia e tanishme është e njëjtë me atë të kohës së Millosheviqit.