Avokatja: Vrasjet e grave nuk kanë qenë traditë e jona, një dukuri e tmerrshme dhe e pabesueshme

Avokatja Fehmije Gashi-Bytyqi, lidhur me vrasjen e Liridona Ademajt që ka tronditur vendin, ka thënë se vrasjet e grave nuk kanë qenë traditë e jona dhe se është një dukuri e tmerrshme dhe e pabesueshme.

Kështu ka theksuar ajo si e ftuar tek emisioni “Rreth e Rrotull” në RTV Dukagjini.

Madje, sipas avokates Gashi-Bytyqi, vrasja e Liridona Ademajt ka theksuar se opinioni po e bën gjykimin përpara se si duhet. Vrasjet e tilla të shtyjnë të kuptosh motivin kryesor që çojnë deri në aktin e kryer.

“Opinioni publik po reagon në veçanti kur po janë vetëm viktima gra, por duhet të jetë edhe kur ka viktima meshkuj. Shkaku që vrasja si vrasje ka pasoja të mëdha, marrja e jetës së njeriut është e kundërligjshme, humbja e një anëtari të familjes është e papranueshme. Nuk ka qenë traditë e jona, edhe në rast të gjakmarrjes apo hakmarrjes, gratë kanë qenë ato roli kyç. Një dukuri e tmerrshme dhe, pothuajse, e pabesueshme, sepse gratë po vriten. Prej gjithë këtyre rasteve, vetëm një rast në Dragash ku gruaja e ka mbytur gruan”, ka thënë Gashi-Bytyqi.

Avokatja Gashi-Bytyqi ka theksuar se autoritetet kosovare kanë filluar të bashkëpunojnë me autoritetet suedeze, për shkak se i dyshuari Naim Murseli ka punuar dhe vepruar në Suedi si dhe ka pasur afrim të personave me influencë.

Avokatja ka përmendur edhe rastin e vrasjes së Zejnepe Berishës nga bashkëshorti i saj Nebih Berisha.

“Në rastin e Zejnepe Berishës, Gjykata e shkallës së parë në Prizren ia ka dhënë dënimin prej 12 vite, ndërsa me ankesë të Prokurorisë Themelore në Prizren dhe të avokates, nga pala e dëmtuar burgimi iu ka zgjatur në 17 vite”, ka thënë ajo.

Ndryshe, Nebih Berisha është shpallur fajtor për vrasjen e gruas së tij, kur në mbrëmjen e 23 tetorit 2015 në shtëpinë e tij duke përdorur një thikë e privoi nga jeta bashkëshorten Zejnepe Berisha dhe i shkaktoi lëndime trupore vajzës së tij.

Shija e redaktorit

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Të fundit nga rubrika