Babai i Marigona Osmanit: Vdekja – dënimi i merituar për rastet e dhunimit

Babai i Marigona Osmanit, Muhabi Osmani ka reaguar pas rastit të 11-vjeçares në Prishtinë, sipas tij, në Kosovë duhet të sillet një ligj i dënimit me vdekje për rastet e dhunimit

Muhabi Osmani - babai i të ndjerës, Marigona Osmani

“Duhet të sillet një ligj sikur në Amerikë, me vdekje, tani le ta provojnë ata tjerët, përndryshe kështu nuk shkon më”.

Këto janë fjalët e babait të Marigona Osmanit, e cila ishte dhunuar dhe torturuar fizikisht deri në vdekje, ndërsa, ka kaluar një vit që nga vrasja e saj, dhe ende nuk është marrë ndonjë vendim nga gjykata për rastin.

Rasti i dhunimit të 11-vjeçares në Prishtinë ka tronditur, po ashtu, edhe familjarët e Marigona Osmanit.

“Rasti i fundit si familje shumë na ka lënduar, dashtë Zoti që këso raste më të mos ndodhin, jemi shumë të lënduar për këtë rast”, është shprehur babai i Marigona Osmani, Muhabi Osmani.

Në RTV Dukagjini për emisionin “Radar” me Edita Dolin, ai ka thënë se para një muaji kanë pritur që të vazhdojë seanca, dhe po presin akoma, por nuk është lajmëruar asnjë deri më tani.

“Ne para një muaji kemi pritur për seancë, ka akoma po presim për seanca, të gjitha dëshmitë janë, do të presim, tashmë do të jenë edhe dëshmitarët, unë po ashtu do të jem dëshmitar”, ka deklaruar Osmani.

Ndërsa, Osmani ka treguar se me të dyshuarin e rastit Dardan Krivaqën ballafaqohet vetëm në seanca.

“Ballafaqohemi me të në seanca, ata kanë mbrojtjen e vet, avokatin e tyre, ne kemi avokatin tonë”, është shprehur ai.

Sipas tij, seanca e parë֝ ka qenë formale, seancat e radhës do të vazhdojnë me dëshmi.

“Seanca e parë ka qenë vetëm formale, seancat e radhës do të vazhdojnë me dëshmi, dëgjimet kamerat, provat”, ka deklaruar Osmani.

Ndërsa, ai ka treguar që seancat do të fillojnë brenda muajit.

Ndërkaq, ai kërkon dënimin e përjetshëm për dy të dyshuarit, dhe beson se gjykata do t’ua japë atyre dënimin maksimal.

“Brenda muajit do të fillojnë seancat, do të fillojmë me kërkesat tona. Unë si familjar kërkoj dënimin e përjetshëm për të dy, dhe kam bindje që gjykata jonë duhet të japë dënimet maksimum”, ka deklaruar Osmani.

Të dyshuarit për vrasjen e Marigona Osmani janë, Dardan Krivaqa dhe Arbër Sejdiu, për të cilët ende nuk ka vendim të gjykatës, por më 14 korrik është mbajtur seanca fillestare.

Në seancën fillestare të mbajtur, Dardan Krivaqa ka shfrytëzuar të drejtën të mbrohet në heshtje, kurse Arbër Sejdiu, u deklarua i pafajshëm, lidhur me akuzat që e rëndojnë.

Krivaqën prokuroria e ngarkon me veprën penale vrasje e rëndë dhe dhunim, kurse Sejdiu po akuzohet për veprën penale vrasje e rëndë dhe ndihmë në kryerjen e dhunimit.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

KFOR-i: Ushtria serbe s’ka nevojë për autorizim për të lëvizur...

KFOR-i ka reaguar lidhur me vizitën e ministrit serb të Mbrojtjes dhe shefit të Shtabit të Forcave të Armatosura të Serbisë, në bazën ushtarake...

Doktorët që lanë Gjermaninë për tu kthyer në Kosovë

Kohëve të fundit, lajmet për ikjen e punëtorëve e veçanarisht të doktorëve, nga Kosova për në vendet evropiane nuk kanë qenë të pakta. Por, fillimi...

Të fundit nga rubrika