Baerbock: Serbia të reduktojë forcat në kufi, KFOR-i të tregojë angazhim më të madh

Ministrja për Punët e Jashtme të Republikës Federale të Gjermanisë, Annalena Baerbock, ka shprehur shqetësimin e saj në një prononcim të dhënë në Tiranë më datë 6 tetor. Ajo ka theksuar se tensionet e fundit në mes të Serbisë dhe Kosovës po rrezikojnë Procesin e Berlinit dhe është e rëndësishme që tensionet në mes të vendeve të rajonit të zvogëlohen, ndërsa Procesi i Berlinit është vendimtar në këtë drejtim

Ministri për Evropën dhe Punët e Jashtme të Shqipërisë, Igli Hasani dhe ministrja për Punët e Jashtme të Republikës Federale të Gjermanisë, Annalena Baerbock në Tiranë.

Ministrja për Punët e Jashtme të Republikës Federale të Gjermanisë, Annalena Baerbock, deklaroi sot më datë 6 tetor në Tiranë se tensionet e ditëve të fundit në mes të Serbisë dhe Kosovës po rrezikojnë edhe Procesin e Berlinit.

Baerbock i bëri këto deklarata në prononcimin për media në nisje të takimit të ministrave të Jashtëm të Procesit të Berlinit në Tiranë.

Ajo ka thënë se “duhet të ecim drejt BE-së më shpejt dhe për këtë arsye Procesi i Berlinit është vendimtar lidhur me ndërlidhjen në rajon, bashkëpunimin dhe marrëveshjet e tjera mbi lëvizshmërinë”.

Megjithatë, sipas kryediplomates gjermane, në themel qëndron siguria.

“Prandaj, ne nëvizojmë se tensionet e ditëve të fundit në mes të Serbisë dhe Kosovës po rrezikojnë edhe Procesin e Berlinit. Unë i bëj një thirrje të fortë, së bashku me përfaqësuesit e Bashkimit Evropian, por dhe të SHBA-së, Serbisë e cila duhet të reduktojë forcat që kemi parë së fundmi. Por, edhe NATO-ja nëpërmjet KFOR-it duhet të tregojë një angazhim më të madh në rajon”, ka përfunduar Baerbock.

Ndryshe, kryediplomatja gjermane po merr pjesë në punimet e samitit të ministrave të Jashtëm të vendeve të Procesit të Berlinit në Tiranë.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika