Deputeti i Lëvizjes Vetëvendosje, Agim Bahtiri, ka thënë se takimi mes kryeministrit në detyrë, Albin Kurti, dhe kryetarit të Nismës, Fatmir Limaj, nuk ka prodhuar ndonjë marrëveshje për konstituimin e Kuvendit.

Pak para nisjes së vazhdimit të seancës së 50-të të Kuvendit, Bahtiri u pyet nga një gazetar nëse kishte pasur ndonjë rezultat nga takimi.

“Çka po mendon ti, po a jo?”, i tha ai gazetarit.

“Jo”, u përgjigj gazetari.

“Saktë e ke”, ia ktheu Bahtiri, duke nënkuptuar se nga takimi nuk doli asnjë marrëveshje.