Deputetja e Lidhjes Demokratike të Kosovës (LDK), Hykmete Bajrami, ka kritikuar kryeministrin në detyrë, Albin Kurti, për mënyrën se si trajton institucionet e drejtësisë në vend.
Në një reagim në Facebook, Bajrami ka vënë në dukje një dy standarde të dukshme: kur vendimet e Gjykatës Kushtetuese, gjykatave të rregullta apo Prokurorisë janë në favor të Kurtit dhe Lëvizjes Vetëvendosje, ato lavdërohen si garantë të ligjshmërisë.
Por, sipas saj, kur këto institucione nxjerrin vendime që sfidojnë interesat e kryeministrit në detyrë, ato shpallen menjëherë të politizuara, të korruptuara, madje edhe si vegla të Serbisë.
“Kur Gjykata Kushtetuese, gjykatat e rregullta ose Prokuroria vendosin në favor të Kurtit dhe Vetëvendosjes, ato menjëherë lavdërohen si mbrojtëse të ligjshmërisë dhe rendit në Republikë. Kur po të njëjtat institucione nxjerrin vendime që cenojnë interesat e Kurtit dhe VV-së, menjëherë shpallen të korruptuara, të politizuara dhe të manipuluara, madje edhe si vegla të Serbisë.