Bajrami kritikon VV-në: Kosova në krizë për shkak të interesave partiake
Deputetja e Lidhjes Demokratike të Kosovës (LDK), Hykmete Bajrami, ka drejtuar kritika ndaj Lëvizjes Vetëvendosje, duke e akuzuar këtë parti se ka kthyer vendin pas në kohën e administrimit ndërkombëtar nga UNMIK-u. Bajrami ka thënë se gjatë asaj kohe, Kosova kishte funksion institucional, nuk kishte sanksione ndërkombëtare dhe zyrtarët shtetërorë respektonin drejtësinë. “Vendin në kohën […]
Deputetja e Lidhjes Demokratike të Kosovës (LDK), Hykmete Bajrami, ka drejtuar kritika ndaj Lëvizjes Vetëvendosje, duke e akuzuar këtë parti se ka kthyer vendin pas në kohën e administrimit ndërkombëtar nga UNMIK-u.
Bajrami ka thënë se gjatë asaj kohe, Kosova kishte funksion institucional, nuk kishte sanksione ndërkombëtare dhe zyrtarët shtetërorë respektonin drejtësinë.
“Vendin në kohën e UNMIK-ut e para asaj kohe e ka kthyer LVV, sepse në kohën e UNMIK-ut: nuk ka pasur sanksione ndërkombëtare ndaj Kosovës, zyrtarët shtetërorë janë përgjigjë institucioneve të drejtësisë e nuk i kanë mohuar ato, politikanët që kanë shkelur Kushtetutën kanë dhënë dorëheqje, nuk kanë marrë institucionet peng, Kuvendi nuk është mbledhur 12 herë me radhë për të dështuar në zgjedhjen e kryetarit.
Për me tepër është LVV që ka pranuar marrëveshje me Serbinë ku i referohet Rezolutës 1244 mbi të cilën funksionon edhe UNMIK-u.
Sot, Kosova është në krizë sepse LVV nuk pranon që s’po mund të bëj shumicën, LVV sot e mbani shtetin peng, sepse ata e e kanë intersin e partisë para interesit të shtetit e intersin personal mbi interesin qytetarë.
Mos e pranoni propozimin tonë, është e drejtë e juaja, ne nuk imponojmë, ne kemi propozuar zgjidhje, urdhëro e bëjeni shumicën e mos u tallni me shtetin dhe me qytetarët.
Propozimi për Qeveri Transitore përmes marrëveshjes nuk është kundër askujt por është në të mirë të të gjithë qytetarëve”, ka shkruar Bajrami në Facebook.















