Deputetja e Lidhjes Demokratike të Kosovës (LDK), Hykmete Bajrami, ka reaguar ndaj deklaratës së kryeministrit Albin Kurti, i cili ka thënë se mesatarja vjetore e Investimeve të Huaja Direkte gjatë qeverisjes së Lëvizjes Vetëvendosje (LVV) dyfish e më shumë sesa mesatarja vjetore gjatë qeverive të kaluara.
Bajrami ka thënë se kjo rritje e investimeve vjen kryesisht nga inflacioni dhe shkojnë kryesisht blerje të banesave nga mërgata.
Sipas Bajramit, gjatë mandatit të kësaj qeverie kanë ndodhur dy ndryshime si rritja e tatimit në pronë dhe lirimi në prej 6.8 Euro në të ardhurat personale, që sipas saj këto reforma nuk ndikojnë në rritjen e investimeve të huaja direkte.
“Qeverisja e ndershme paska thënë Kryeministri, cila kjo 900 tenderve të negociuar, qeverisja me Martin Berishajn, Nagip Krasniqin, me tatimet që ju merren bizneseve e mandej ministriat e t’u ju japin familjarëve për OJQ?. E vërteta është se Qeveria nuk ka bë asnjë reformë fiskale, as edhe një. Që katër vite mandat të kësaj qeverie Administrata Tatimore e Kosovës udhëhiqet nga drejtori që kundërligjshëm e pat zgjedhë PDK-ja kur ka qenë në pushtet. Gjatë këtij mandati kanë ndodhë dy ndryshime: rritja e tatimit në pronë dhe lirimi në prej 6.8 Euro në të ardhurat personale. A beson dikush që këto refoma kanë ndiku në rritjen e investimeve të huaja direkte?!”, ka shkruar Bajrami.
Bajrami ka publikuar edhe disa të dhëna që sipas saj janë inflacioni gjatë Qeverisë Kurti dhe Investimet e Huaja Direkte.
“Inflaconi gjatë Qeverisë Kurti
- 3.4% në vitin 2021,
- 11.6 në vitin 2022,
- 4.9% në vitin 2023,
Investimet e Huaja Direkte
- 2021: 420 milionë euro, prej tyre 384 milionë në patundshmeri ose 91%,
-
- 2022: 732 milionë euro, prej tyre 529 milionë në patundshmeri ose 72%,
- 2023: 844 milionë euro, prej tyre 511 milionë në patundshmeri ose 60%,
- 2024 (janar-prill): 269 milionë euro, prej tyre 186 në patundshmeri ose 69%”.
Ndryshe, më herët, kryeminstri i Kosovës, Albin Kurti, ka thënë se mesatarja vjetore e investimeve të huaja direkte gjatë qeverisjes Kurti është 2.4 herë më shumë se mesatarja vjetore e qeverive të kaluara nga viti 2007 e tutje.
“Mesatarja vjetore e Investimeve të Huaja Direkte gjatë qeverisjes sonë është 705.6 millionë euro apo 2.4 herë më shumë sesa mesatarja vjetore gjatë qeverive të kaluara e cila është 299.8 milionë euro nëse e marrim nga viti 2007 e këtej”, ka shkruar Kurti në Facebook.
Kurti: Mesatarja vjetore e investimeve të huaja direkte, dyfish më shumë se e qeverive të kaluara