Deputeti i Lëvizjes Vetëvendosje, Dimal Basha, ka deklaruar se partia e tij nuk është e gatshme të hyjë në koalicion me Partinë Demokratike të Kosovës, ndërsa me Lidhjen Demokratike të Kosovës mund të ketë.

Basha ka theksuar se Lëvizja Vetëvendosje ka qenë e hapur dhe konstruktive gjatë gjithë procesit të përpjekjeve për zhbllokimin institucional.

“VV-ja ka treguar që është konstruktive në të gjitha hapat që kanë pasur për qëllim zhbllokimin. Është i pakuptueshëm gjithë ky bllokim, që është duke ardhur nga opozita. Me PDK-në nuk bëjmë koalicion, pasi nuk është reformuar. Me LDK-në mundemi”, ka thënë Basha.