Policia e Kosovës ka bastisur një lokal në Deçan, nën dyshimin se aty po zhvillohej veprimtari e kundërligjshme e organizimit të skemave piramidale dhe bixhozit të paligjshëm.
Sipas raportit policor, rasti ka ndodhur më 8 gusht 2026, rreth orës 22:30, në një shitore që ishte pronë e një të dyshuari mashkull kosovar.
“Gjatë kontrollit janë gjetur dhe sekuestruar një kuti me çipa të lojërave të pokerit, një armë automatike, dhjetë fishekë dhe një çantë dore me një brisk dhe një faturë”, thuhet në raportin e Policisë së Kosovës.
Lidhur me rastin janë arrestuar tre persona, të gjithë meshkuj kosovarë. Pas intervistimit dhe konsultimit me prokurorin, dy prej të dyshuarve janë dërguar në mbajtje, ndërsa njëri është liruar dhe rasti do të vazhdojë në procedurë të rregullt.