Prokuroria Themelore në Prishtinë, në bashkëpunim me Policinë e Kosovës, ka realizuar sot një bastisje në lagjen “Bajram Bahtiri”, në kuadër të hetimeve për rastin e ndodhur më 1 shtator të vitit 2024 në lagjen “Aktash”, ku një person kishte mbetur i vrarë pas një përleshjeje të armatosur.
Sipas njoftimit, gjatë bastisjes është arrestuar një person i dyshuar për veprën penale “Vrasje e rëndë në tentativë” si dhe për “Mbajtje pa leje të armëve”.
“Gjatë kontrollit është gjetur dhe sekuestruar një armë zjarri e tipit pistoletë, për të cilën dyshohet se është përdorur në kryerjen e veprës penale”, thuhet në komunikatën e Prokurorisë.
Hetimet për këtë rast, i njohur ndryshe edhe “Capat” – Sekiraqët, po vazhdojnë në koordinim të plotë ndërmjet Policisë dhe Prokurorisë, me qëllim të zbardhjes së plotë të rastit.