Bayern Munich ka mposhtur skuadrën franceze, Paris Saint-Germain, duke e eliminuar kështu direkt nga Liga e Kampionëve.
Ndeshja triumfuese për Bayernin u mbyll me rezultat 2:0, ndërsa me rezultat të përgjithshëm 3:0.
Në minutën e 51-të, Bayern Munich shënoi me Eric Maxim Choupo-Moting por goli u anulua për pozitë jashtë loje.
Sulmuesi më pas shfrytëzoi në maksimum një rast tjetër 10 minuta më vonë, pasi mbrojtja e PSG-së ra në gjumë dhe rezultati shkoi për 1-0.
Goli i dytë erdhi kur PSG ishte në sulm në minutat e fundit, dhe një gabim në sulmin e tyre i nxori jashtë garës, me sulmuesin gjerman Serge Gnabry që goditi rrjetën e parisienëve për të shënuar 2-0.
Për raundin e 16-të të Ligës së Kampionëve, Bayern Munich dhe Paris Saint-Germain luajtën ndeshjen e tyre të dytë për një vend në çerekfinale, e që epërsinë e ndeshjes së parë e kishte klubi gjerman.
Në pjesën e parë të ndeshjes së dytë kishte përpjekje nga të dyja klubet por në minutën e 47-të ndeshja përfundoi pa gola.
Mungesa e madhe e PSG-së ishte Neymar i cili do të humbasë pjesën e mbetur të sezonit për shkak të një lëndimit në kyçin e këmbës. Ata gjithashtu do të jenë pa Presnel Kimpembe dhe Renato Sanches, ndërkaq, edhe mbrojtësi Achraf Hakimi mund të mungojë.
Kujtojmë se, Benfica dhe Chelsea rezervuan vendet e tyre në raundin tjetër të martën mbrëma.