UEFA Champions League ka prodhuar një tjetër natë të paharrueshme në “Allianz Arena”, ku Bayern Munich ka eliminuar Real Madrid dhe është kualifikuar në gjysmëfinale.
Ndeshja e kthimit u mbyll me fitoren 4:3 për Bayern Munich, ndërsa me rezultatin e përgjithshëm 6:4, gjermanët siguruan kualifikimin në një duel me ritëm të lartë dhe shumë gola.
Heroi i mbrëmjes ishte Michael Olise, i cili shënoi në minutën e 95-të një gol spektakolar për të vulosur fitoren 4:3 në “Allianz Arena” dhe për të mbyllur krejtësisht ndeshjen.
Bayern Munich kështu vazhdon rrugëtimin në Champions League dhe siguron një vend në katërshen më të mirë të Evropës, ndërsa Real Madrid i jep fund aventurës në këtë sezon të kompeticionit.