Udhëheqësit e Bashkimit Evropian (BE), do të mbajnë një takim të jashtëzakonshëm që parashihet të jetë në fund të majit, ku do të diskutohet për luftën në Ukrainë dhe gjithashtu për çështjen e energjisë elektrike, ka njoftuar të premten kreu i Këshillit Evropian, përcjellë AA.
“Një Këshill i veçantë Evropian do të mbahet më 30 dhe 31 maj. Në rendin e ditës të veçuara janë mbrojtja, energjia dhe Ukraina”, ka shkruar në Twitter Charles Michel, i cili kryeson ribashkimet e liderëve të BE-së.
Dikutimet pritet të jenë të vështira pasi rritja e çmimeve të energjisë, është e përkeqësuar nga lufta Rusi-Ukrainë, kjo situatë i ndan shumë vendet anëtare të BE-së.
Në mbledhjen e fundit të muajit mars, udhëheqësit nuk kanë qenë në gjendje të binin dakord se si të trajtonin faturat që janë në rritje për shkak të pikëpamjeve të ndryshme për ndërhyrjen në tregun e energjisë.
Disa vende të BE-së, duke përfshirë Gjermaninë dhe Hungarinë, gjithashtu hezitojnë të vendosin një ndalim për importet ruse të energjisë.
BE-ja ka ndarë rreth 1.09 miliardë dollarë për mbështetje ushtarake dhe 500 milionë euro për ndihmë humanitare për ukrainasit, po ashtu ka vendosur pesë grupe sanksionesh ndaj Moskës që nga fillimi i luftës më 24 shkurt.
Masat kufizuese kanë pasë në shënjestër 1002 individë dhe 32 entitete në total, duke përfshirë Presidentin rus Vladimir Putin, Ministrin e Jashtëm Sergej Lavrov, oligarkët dhe oficerët ushtarakë.
BE-ja ka ndaluar gjithashtu importet e qymyrit dhe eksportet e mallrave luksoze në Rusi, si dhe ka bërë ndalimin e bankave ruse dhe bjelloruse që të mos operojnë në sistemin bankar ndërkombëtar “Shoqëria për Telekomunikacionin Financiar Ndërbankar” (SWIFT).