Brukseli ka parë shenja “sabotimi” dhe veprimi “të qëllimshëm” në rrjedhjet e gazit të identifikuara në dy tubacionet “Nord Stream” të operuara nga Rusia që kalojnë nën Detin Baltik.
Infrastruktura mes Brukselit dhe BE-së është akuzuar për manipulimin e furnizimeve me gaz si hakmarrje ndaj sanksioneve perëndimore.
Presidentja e Komisionit Evropian, Ursula von der Leyen, ka folur për “aksion sabotues” pas lidhjes telefonike me kryeministren daneze, Mette Frederiksen.
Ursula voin der Leyen ka thënë se “Është e rëndësishme që tani të hetohen incidentet, të kemi qartësi të plotë mbi ngjarjet”.
“Çdo ndërprerje e qëllimshme e infrastrukturës aktive evropiane të energjisë është e papranueshme dhe do të çojë në përgjigjen më të fortë të mundshme”.
Kadri Simson nga Komisioneri Evropian për Energjinë, ka thënë se ekipi i saj ishte në kontakt me vendet anëtare të BE-së për të “përcaktuar shkakun dhe ndikimin ekologjik të incidenteve”.
Për këtë çështje ka reaguar dhe shefi i politikës së jashtme të BE-së, Josep Borrell, i cili lëshoi një deklaratë të shkurtër në emër të 27 vendeve anëtare duke shprehur shqetësime të thella për ngjarjet e pashpjegueshme, raporton euronews.
“Shqetësimet për sigurinë dhe mjedisin janë prioriteti më i madh. Këto incidente nuk janë një rastësi dhe na prekin të gjithëve”, tha Borrell. Ai ka shtuar se “Të gjitha informacionet në dispozicion tregojnë se këto rrjedhje janë rezultat i një akti të qëllimshëm.”
Borrell ka shtuar se BE-ja do të mbështesë çdo hetim që synon “të marrë qartësi të plotë” rreth rrjedhjeve dhe të ndërmarrë hapa të rinj për të përforcuar sigurinë e furnizimit me energji të bllokut.
Mes të tjerash, shefi i politikës së jashtme të BE-së është shprehur se çdo ndërprerje e qëllimshme e infrastrukturës energjetike evropiane është krejtësisht e papranueshme dhe do të përballet me një përgjigje të fortë dhe të bashkuar.