Ish-ministri i Financave në kohën e qeverisjes së Haradinaj e njëherit, Kryetari i Komunës së Mitrovicës, Bedri Hamza ka nisur dëgjimin e tij në cilësinë e dëshmitarit në rastin e “53 milionë eurove”.
Siç njofton Betimi për Drejtësi, Hamza pritej të dëshmonte në seancën e 15 majit 2023, por kjo seancë kishte dështuar për shkak se anëtari i trupit gjykues, gjyqtari Vesel Ismaili ishte në trajtim mjekësor.
Në këtë çështje, ish-ministri i Infrastrukturës Pal Lekaj, Eset Berisha, këshilltar i lartë politik i tij, Nebih Shatri, ish-sekretar i Përgjithshëm në Ministrinë e Infrastrukturës (MI) dhe Besim Tahiri, drejtor i Prokurimit Publik në MI, po akuzohen për keqpërdorim të detyrës zyrtare.
Ndryshe, edhe në seancën fillestare të mbajtur më 4 maj 2022, Lekaj dhe të tjerët ishin deklaruar të pafajshëm për veprën penale që iu vihet në barrë.