Begaj në Asamblenë e OKB-së kërkon njohjen e pavarësisë së Kosovës

Presidenti i Shqipërisë, Bajram Begaj në Asamblenë e OKB-së ka kërkuar që pavarësia e Kosovës të njihet nga shtetet pjesëmarrëse

Presidenti i Shqipërisë, Bajram Begaj.

Presidenti i Shqipërisë, Bajram Begaj, në Asamblenë e përgjithshme të OKB-së ka kërkuar nga shtetet pjesëmarrëse ta njohin pavarësinë e Kosovës.

Ai tha se Kosova e meriton njohjen nga shtetet të cilat ende nuk e kanë bërë një gjë të tillë.

“Kosova është ende në pritje të njohjes së pavarësisë së saj nga shumë vende. Shpresoj që këto vende së shpejti do ta njohin kontributin e Kosovës për një komunitet global më të drejtë, më paqësor dhe do t’i japin Kosovës njohjen që meriton. Njiheni pavarësinë e Kosovës” u shpreh Begaj.

Begaj po ashtu tha se të drejtat e serbëve në Kosovë respektohen sipas parimeve evropiane dhe se njëjtë duhet respektuar edhe të drejtat e shqiptarëve në Luginë të Preshevës.

Ai u theksoi se Shqipëria është e shqetësuar nga pasivizimi i adresave të shqiptarëve në Luginë.

“Të drejtat e serbëve në Kosovë pasqyrojnë normat dhe vlerat evropiane, e njëjta gjë duhet të vlejë edhe për pakicën shqiptare në Luginën e Preshevës, në jug të Serbisë. Fatkeqësisht, ne mbetemi ende të shqetësuar për bërjen joaktive të adresave të tyre të banimit dhe mungesën e investimeve të konsiderueshme, si dhe stimujve ekonomikë në atë rajon”, tha Begaj.

Gjersa ka folur edhe për luftën në Ukrainë, Begaj e konsideroi atë një akt agresioni të pajustifikuar dhe të paprovokuar.

Sipas presidentit Begaj, kjo luftë “absurde” ka prekur drejtpërdrejt dhe tërthorazi dimensione të ndryshme të zhvillimit të qëndrueshëm, jo vetëm për Ukrainën dhe rajonin, por për të gjithë globin.

Gjithashtu, presidenti Begaj bëri me dije se Shqipëria mbështet reformën e Kombeve të Bashkuara dhe organeve të saj kryesore, me qëllim forcimin e kësaj Organizate.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika