Presidenti i Shqipërisë, Bajram Begaj, ka kujtuar ish-presidentin e Kosovës, Ibrahim Rugova, në përvjetorin e 20-të të ndarjes nga jeta.

Begaj konsideron Rugovën si vizionarin e Kosovës që me urtësi, durim e mençuri e projektoi Kosovën e pavarur e të lirë, njofton Dukagjini.

“Sot përkujtojmë Ibrahim Rugovën, Presidentin vizionar të Kosovës, që me urtësi, durim e mençuri projektoi Kosovën e pavarur e të lirë. Presidenti Rugova e mendoi të ardhmen e Kosovës të lidhur ngushtë me vlerat evropiane: demokracinë, të drejtat e njeriut, pluralizmin dhe shtetin e së drejtës”.

Begaj, mes tjerash, vlerëson se vizioni i Rugovës për Kosovën sot është një realitet.

“Vizioni i tij është sot një realitet. Trashëgimia e tij dëshmon se paqja, dialogu dhe orientimi drejt Evropës janë gurthemeli i shtetndërtimit dhe i së ardhmes së qëndrueshme” ka shkruar Begaj.

Sot përkujtojmë Ibrahim Rugovën, Presidentin vizionar të Kosovës, që me urtësi, durim e mençuri projektoi Kosovën e pavarur e të lirë.

Presidenti Rugova e mendoi të ardhmen e Kosovës të lidhur ngushtë me vlerat evropiane: demokracinë, të drejtat e njeriut, pluralizmin dhe… pic.twitter.com/v54YTfg4un

— Bajram Begaj (@BajramBegajAL) January 21, 2026