Presidenti i Shqipërisë, Bajram Begaj, ka uruar Shtetet e Bashkuara të Amerikës me rastin e 250-vjetorit të Pavarësisë, duke theksuar rëndësinë e miqësisë së qëndrueshme dhe partneritetit strategjik mes dy vendeve.
Begaj u përcolli urimet më të përzemërta Presidentit Donald Trump dhe popullit amerikan për festën e 4 Korrikut, duke vlerësuar marrëdhëniet e ndërtuara mbi parimet e lirisë, demokracisë, paqes dhe prosperitetit.
“Në 250-vjetorin e Pavarësisë së Shteteve të Bashkuara të Amerikës, i shpreh urimet e mia më të ngrohta Presidentit Donald Trump dhe popullit amerikan. Shqipëria e vlerëson thellësisht miqësinë e saj të qëndrueshme dhe partneritetin strategjik me Shtetet e Bashkuara, të ndërtuar mbi vlerat e përbashkëta të lirisë, demokracisë, paqes dhe prosperitetit. Shqipëria është mirënjohëse ndaj Shteteve të Bashkuara për mbështetjen e tyre të vazhdueshme, që nga njohja e Shqipërisë si shtet deri te mbështetja e reformave kyçe të vendit gjatë 35 viteve të fundit. Gëzuar 4 Korrikun, SHBA”, shkroi Begaj.