Presidenti i Shqipërisë, Bajram Begaj, ka njoftuar se ka zhvilluar një bisedë telefonike me presidenten Osmani.
“Gjatë bisedës u informova mbi situatën e tensionuar në Veri të Kosovës dhe kryesisht u ndalëm në dorëheqjen e përfaqësuesve të Listës Serbe në Kosovë nga institucionet shtetërore dhe bllokimin e funksionimit të tyre”, ka shkruar Begaj.
Mes tjerash, presidenti shqiptar ka inkurajuar presidenten Osmani për vazhdimin e dialogut mes Kosovës dhe Serbisë, “duke patur në vëmendje ruajtjen e paqes dhe stabilitetit si dhe të integritetit territorial të Kosovës të garantuara nga NATO”.
Tutje, presidenti Begaj ka theksuar se mbetet madhor interesi i integrimit euroatlantik i Kosovës dhe i gjithë rajonit të Ballkanit Perëndimor.