Artan Behrami ka kërkuar hetim të plotë nga Prokuroria lidhur me votat e diasporës, duke theksuar se procesi duhet të verifikohet për çdo dyshim të mundshëm për parregullsi.
Behrami, i cili ka siguruar votat e mjaftueshme për deputet nga radhët e Partia Demokratike e Kosovës, ka deklaruar se gjatë procesit të numërimit ka pranuar ankesa për zarfa të hapur dhe dyshime për manipulim të votave të diasporës.
“Prokuroria duhet të zhvillojë një hetim të plotë dhe gjithëpërfshirës për çdo mundësi të keqpërdorimit apo manipulimit të votave të diasporës…”, ka shkruar ai në Facebook, duke kërkuar që çdo dyshim të trajtohet me transparencë.
Ndërkohë, sipas të dhënave përfundimtare të numërimit, Lëvizja Vetëvendosje ka fituar 47.13 për qind të votave dhe 53 ulëse në Kuvend, PDK 19.44 për qind, LDK 16.69 për qind, ndërsa AAK 6.74 për qind.