20-vjeçarja e lindur në Londër, Belinda Vojvoda, këngëtare me profesion, synon suksesin ndërkombëtar të Rita Orës e Dua Lipës.

Vojvoda tregon se po punon me producentë ndërkombëtarë dhe vazhdimisht shkruan këngë.

Ajo në emisionin “Rreth e Rrotull”, ka treguar për projektet që i ka gati.

“Një është e kompletume me video me të gjitha, kurse një tjetër është duke u përgatitur. Njëra do të dalë në shtator ose tetor”, ka thënë Vojvoda.

Vojvoda tutje tregon se përcjell artistë si Rihana, Beyonce, Rita Ora dhe Dua Lipa, duke theksuar se i pëlqejnë edhe hitet e vjetra.

E anash nuk i la as këngëtarët shqiptarë ku tha se i përcjell shumë nga ta dhe u pëlqen mënyra se si ata shkruajnë.

“E ndëgjoj Elvana Gjatën, Dhurata Dorën, Yll Limanin, ata kanë zë shumë të mirë, gjithashtu më pëlqen mënyra se si ata i shkruajnë këngët”, është shprehur Vojvoda.

20-vjeçarja tregon se ajo vazhdimisht shkruan këngë edhe nëse jo këngë, ajo vetëm shkruan edhe nëse ka ndonjë mendim e nuk është këngë.

Vojvoda tutje ka theksuar se nuk targeton që të marrë hov të madh me vetëm një këngë, pasi siç shprehet ajo, dëshiron karrierë më të gjatë.