Qytetarët e Kosovës i janë drejtuar sot, më 7 qershor, kutive të votimit për zgjedhjet e nivelit nacional, duke shënuar procesin e tretë zgjedhor parlamentar brenda një periudhe prej 16 muajsh.
Drejtori i te ashtuquajturës Zyrës për Kosovën në qeverinë e Serbisë, Petar Petkoviq, ka thënë se fitorja e Listës Serbe në këto zgjedhje është “e interesave kombëtare”.
“Ka rëndësi vendimtare që të gjithë serbët – si ata të zhvendosur brenda vendit që jetojnë në Serbinë Qendrore të dalin në zgjedhje dhe të votojnë për Listën Serbe. Fitorja e Listës Serbe është triumfi i interesave kombëtare serbe në Kosovë. Të gjitha 10 mandatet duhet t’i takojnë pikërisht kësaj liste”, u shpreh Petkoviq në një intervistë në Radio Televizionin e Serbisë (RTS).
Ai duke bërë ndërhyrje drejtpërdrejt në procesin zgjedhor demokratik të Kosovës, nënvizon se edhe presidenti i Serbisë i jep mbështetje të plotë Listës Serbe, pasi siç thotë ai sepse ajo përfaqëson “lidhjen e drejtpërdrejtë” mes popullit serb në Kosovë dhe shtetit të Serbisë.
“Është e rëndësishme që Lista Serbe të fitojë 10 mandate”.
Mes tjerash, Petkoviq vazhdoi me avazin e vjetër ku pretenon se qëndrimi i Kosovës s ndaj serbëve ka qenë i ‘’padrejtë’’.
“Ajo që mbështet Kurti është drejtpërdrejt kundër interesave të popullit serb në Kosovë. Prandaj është shumë e rëndësishme që Lista Serbe të fitojë të gjitha 10 mandatet. Kjo do të thotë se mbrojtja e interesave kombëtare serbe do të jetë plotësisht nën kontrollin e Listës Serbe dhe se ajo do të mund të marrë pjesë në procese të rëndësishme politike në Kosovë”, u shpreh ai.