Deputeti i komunitetit egjiptian, Veton Berisha, ka kritikuar partitë shqiptare për mungesë bashkëpunimi në arritjen e një marrëveshjeje për zgjedhjen e presidentit të vendit.
Berisha tha se mosarritja e një konsensusi politik po e vështirëson procesin institucional dhe po e mban vendin në një situatë të pasigurt politike.
Sipas tij, partitë kryesore duhet të tregojnë më shumë përgjegjësi dhe gatishmëri për kompromis.
Ai theksoi se edhe në mungesë të një figure konsensuale nga spektri aktual politik, komuniteti që ai përfaqëson është i gatshëm të kontribuojë me një zgjidhje.
“Edhe nëse vërtet ka mbetë Kosova pa asnjë person konsensual ne si komunitet egjiptian jemi të gatshëm që të ofrojmë një kandidat konsensual me vlera prej një akademiku edhe besoj që ndoshta është mundësi që ky person të jetë konsensual”, ka thënë Berisha.