Kryetari i Partisë Demokratike, Sali Berisha, ka bërë thirrje për qytetarët që të dalin në votime.
“Ai që ka frikë votën, ai ka frikë lirinë dhe është armik i saj. Së dyti, ftoj të gjithë zgjedhësit shqiptarë të mos harrojnë, se përsëritja e të njëjtit gabim e bën gabimin edhe më të madh. Ndaj edhe le t’u prijë mençuaria e tyre në mënyrë që të votojnë në interesin më të mirë të tyre, familjes së tyre, vendit të tyre”, ka shkruar Berisha.
Berisha ka thënë se kjo është “pranvera e ndryshimit” dhe se kjo është “një ditë fitoreje për demokracinë shqiptare”.
Ndërsa për problemet në procesin zgjedhor, kreu i PD-së është shprehur se pajisjet kanë patur në një përqindje jo të vogël mosfunksionim.
“Do të dëgjoni në darkë të thonë se na ndërhynë hackerat iranianë, por në fakt janë hackerat qeveritarë që ndërhyjnë. Ka disa qendra, rrethe, si përshembull në Durrës. Peshkaqeni famoz, Roni Shqopa, dhe një disa drejtorë dhe përgjegjës të njësisë administrative kanë preferuar, ose kanë dashur të bëjnë xhandarin në qendrën e votimit, ku janë përzenë ashtu siç e meritojnë. Dhe noviteti tjetër është, se qoftë se i bini numrit të policisë, ai nuk përgjigjet më. Ka marrë pushim sot policia”, thekson Sali Berisha.
Zgjedhjet në Shqipëri, hasen probleme me identifikimin elektronik në shumë zona