Ish-zevëndësministri i Punëve të Jashtme të Kosovës, Anton Berisha, ka reaguar ndaj zëdhënëses së Lidhjes Demokratike të Kosovës(LDK), Sibel Halimi duke thënë se deklaratat e kësaj të fundit ndaj ish-kryediplomatit të Kosovës, Sënder Hysni është “për keqardhje”.
“Zëdhënësja e LDK-së, Halimi, do të duhej të jetë në dijeni se ne kemi trashëgiminë e mrekullueshme të frymës demokratike dhe gjuhën e matur të dr. Rugovës”, ka shkruar Berisha.
“Në kulmin e fushatës antiperendimore të orkestruar nga pushteti aktual, selia e LDK-së nuk duhet të jetë vendi ku imitohet gjuha e shkujdesur, jorespektuese dhe e spastrimit, tipizime të neomajtistëve”, ka shtuar ai.
Sipas Berishës, Skënder Hyseni ka qenë këshilltari i ish-presidentit të Kosovës, Ibrahim Rugova dhe gjithashtu Hyseni kishte qenë kryediplomati i parë i shtetit të Kosovës.