Kryeministrja e Serbisë, Ana Bërnabiq ka thënë se të gjitha tensionet në veri të Mitrovicës janë rezultat i lëvizjeve të njëanshme të Kryeministrit të Kosovës, Albin Kurti.
“Gjithçka që shohim sot është rezultat i lëvizjeve të njëanshme të Kurtit. Serbia nuk bëri asgjë për të filluar këtë krizë, serbët në Kosovë dhe Metohi nuk bënë absolutisht asgjë për të shkaktuar atë që po shohim sot”, ka thënë ajo, transmeton “B92”.
Sipas Bërnabiq, politika e Kurtit është “dhuna e vazhdueshme dhe provokimet e vazhdueshme”.
“Kurti është ai që i ka sjellë gjërat deri këtu – duke e hequr të drejtën e votës, serbët, duke ndaluar mbajtjen e zgjedhjeve në territorin e Republikës së Kosovës, duke mosrespektuar marrëveshjen e Brukselit dhe duke pranuar hapur se Prishtina nuk do ta zbatojë kurrë Marrëveshjen e Brukselit, si dhe duke keqinterpretuar dhe interpretuar në mënyrë selektive marrëveshjet e vjetra”, tha Bërnabiq.