Besnik Tahiri vendos pankarta në kuvend, “Ku është Ligji i Pagave”

Shefi i Grupit Parlamentar i Aleancës për Ardhmërinë e Kosovës, Besnik Tahiri, i ka vendosur disa pankarta në foltore dhe në ulëset e kabinetit qeveritar me mbishkrimin “Ku është ligji i pagave?”.

Ky veprim, sipas Tahirit, lidhet me premtimin e ministrit të Punëve të Brendshme, Xhelal Sveçla, i cili kishtë thënë se ky ligj do të procedohet më 31 mars të vitit 2022.

“Ky është një aktivitet simbolik për të ngritur një çështje që e kemi ngritur gjatë dhe që lidhet me një qëndrim të qeverisë Kurti dhe të ministrit Sveçla, i cili në këtë foltore kishte thënë se më 31 mars do ta procedojë ligjin e pagave në kuvend. I kam thënë mos u ngut, ka thënë po, dhe pyetja ime është e thjeshtë, ku është ligji i pagave?”, është shprehur Tahiri.

Siç theksoi Tahiri, ky proces ishte nisur nga AAK më 14 qershor të vitit 2021.

Për të njëjtin, Tahiri ka thënë se është debatuar në kuvend kur ishte miratuar rezoluta.

“Ky kuvend e ka miratuar një rezolutë me një fjali të shkurtër që thotë, Qeveria e Kosovës ta sjellë sa më parë projektligjin e pagave në sektorin publik”, ka thënë Tahiri.

Për këtë veprim, kryetari i kuvendit të kosovës, Glauk Konjufca, e ka pyetur Tahirin se ku është inspiruar për ndërmarrjen e këtyre aksioneve, derisa ka shtuar se ndonëse është data 31 mars, por, “ka kohë edhe 13 orë”, që kjo ditë të mbarojë.

Pas nisjes së rendit të ditës, deputetët e pranishëm në sallën e kuvendit kanë miratuar në parim projektligjin për kompensimin e viktimave të krimit.

“Me 64 vota për, asnjë kundër dhe asnjë abstenim, Kuvendi i Kosovës e ka miratuar në parim Projektligjin për Kompensimin e Viktimave të Krimit”, ka thënë Konjufca.

Ndryshe, Tahiri, para nisjes së seancës, në një konferencë për media ka folur për Ligjin e Pagave, pagën minimale, tërheqjen e Trust-it dhe ngritjen e çmimit të naftës.

Tahiri ka thënë se ky ligj ka qenë pjesë e agjendës legjislative të vitit 2021, dhe se për shkak të pazotësisë së Qeverisë siç e ka quajtur ai, nuk është implementuar.

“Ka pasur zotim të qeverisë që në fund të marsit të kalojë në qeveri. Ku është ligji i pagave, ku jeni fshehur me këtë ligj, ku është procesi i punës për finalizimin e ligjit. Pse na keni thënë se bëhet në mars, apo është pazotësi e juaja dhe nuk dini të bëni këtë ligj. Ky është obligim që e kemi deputet”, ka thënë Tahiri.

Ai ka potencuar se qeveria po mburret me rritje prej 10 për qind të ekonomisë, por, kjo, sipas Tahirit, nuk po vërehet në buxhetin e qytetarëve.

Ndryshe, sipas draft-projektligjit për paga, presidentja e Kosovës, Vjosa Osmani, do ta ketë pagën më të lartë në vend.

Ndërkaq, Kryetari i Kuvendit dhe kryeministri pasojnë listën me koeficient 19. Bashkë me ta është edhe kryetari i Gjykatës Kushtetuese në vlerë të njëjtë.

Nënkryetari i Kuvendit, zëvendëskryeministri dhe zëvendëskryetari i Kushtetueses kanë koeficient 17, ndërsa deputeti, ministri e gjyqtari i Kushtetueses me koeficient 16.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika