Betohen 16 asamblistë në Zubin Potok, serbët këtë e bëjnë online
Të gjithë një nga një po mblidhen. Janë këta asamblistët e rinj, që për pak minuta pritet të japinë betimin e tyre për të ushtruar detyrën e asamblistit. Ndonëse jo në Kuvendin e Zubin Potokut, 16 pjesëmarrësit po i përdorin Zyrat e komuniteteve në Çaber për betim. Ani pse në një situatë jo të zakonshme […]
Të gjithë një nga një po mblidhen. Janë këta asamblistët e rinj, që për pak minuta pritet të japinë betimin e tyre për të ushtruar detyrën e asamblistit.
Ndonëse jo në Kuvendin e Zubin Potokut, 16 pjesëmarrësit po i përdorin Zyrat e komuniteteve në Çaber për betim.
Ani pse në një situatë jo të zakonshme e me patrulla të Policisë e KFOR-it përreth, këta do të zëvendësojnë asamblistët e dorëhequr.
Për të parë nga afër këtë proces, erdhi edhe ministri i Ministrisë së Administrimit të Pushteit Lokal , Elbert Krasniqi.
“Në momentin kur kanë japë dorëheqja anëtarët e vjetër në KQZ janë dorzu për zëvendësim 16 asamblistë, tre të tjerë nuk kanë dhënë dorëheqje. Tash është procesi tjetër për të raportuar në ministri. Ne e kemi obligim të monitorojmë këtë seancë. Sot diskutuam për bashkëpunim më ta në këtë pjesë dhe në këtë moment”, ka deklaruar : Elbert Krasniqi- Ministri i Ministrisë së Administrimit të Pushtetit Lokal.
Në mbledhjen që u mbajt më dyer të mbyllura u betuan 16 asamblistë, nga ta 13 shqiptarë dhe 3 serbë.
“Tre persona e kanë përcjell seancën online dhe s’kanë mundur të jenë pjesë live për betim por e kanë përcjell online betimin”, ka shtuar Elbert Krasniqi- Ministri i Ministrisë së Administrimit të Pushteit Lokal.
Njëjtë sikurse asamblistët e Zubin Potokut, me 14 dhjetor në Mitrovicë të Veriut janë betuar asamblistët e rinj. Krejt kjo po bëhet pas dorëheqjes së Listës Serbe nga të gjitha institucionet me 5 nëntor.
Që nga ajo periudhë, katër komunat veriore kanë mbetur pa kryetarë.















