Gjatë mbrëmjes së djeshme të çmimeve Oscar, magjinë e hapjes së edicionit e solli Beyonce përmes performancës së saj.
Pas dy vjetësh larg performancave live, Beyonce u rikthye në mënyrë fantastike. Artistja, fituese e shumë çmimeve Grammy, nisi Oscars 2022 me performancën e “Be Alive”, e cila u nominua për këngën më të mirë origjinale.
Kënga u shkrua për filmin “King Richard”, i cili tregon historinë e babait të yjeve të tenisit, Serena dhe Venus Williams, dhe edukimin e tyre. Beyonce dhe kërcimtaret e saj, duke përfshirë vajzën e saj Blue Ivy, ishin të gjitha të veshura me të verdhë neoni, sikur ngjyra e një topi tenisi. Performanca u zhvillua në një fushë tenisi në Compton të Kalifornisë. Compton-i është edhe vendi ku u rritën motrat Williams.
Serena dhe Venus Williams, të cilat shërbyen si producente ekzekutive në film, prezantuan performancën. Kënga është një triumf pas dëshpërimit, dhe flet për vendosmërinë dhe shtytjen e palëkundur të familjes Williams.
Performanca e fundit e transmetuar e Beyonce ishte në memorialin e Kobe dhe Gianna Bryant në vitin 2020, A Celebration of Life.
“King Richard” është nominuar për filmin më të mirë. Will Smith, i cili luan rolin e babait të Serena dhe Venus Williams, Richard Williams, ishte i nominuar për aktorin më të mirë, çmim të cilin edhe e fitoi.
Për një listë të plotë të fituesve të 94-të të çmimeve Oscar, klikoni këtu.