Biden dhe republikanët shpresojnë se do të arrijnë marrëveshje për tavan të borxhit

Presidenti i ShBA-së, Joe Biden, dhe liderët republikanë kanë shprehur rezerva nëse mund të arrihet një marrëveshje për të rritur tavanin e borxhit qeveritar

FOTO: AP

Presidenti i Shteteve të Bashkuara të Amerikës (ShBA), Joe Biden, dhe liderët republikanë, kanë shprehur optimizëm me rezervë nëse mund të arrihet një marrëveshje për të rritur tavanin e borxhit qeveritar.

Udhëheqësi i Dhomës së Përfaqësuesve, Kevin McCarthy, u ka thënë gazetarëve pas takimit se të dyja palët kanë ende dallime në qëndrime.

Kjo bllokadë e ka detyruar presidentin Biden që të shkurtojë një udhëtim jashtë vendit.

Pa arritur një marrëveshje, Shtetet e Bashkuara të Amerikës do të mund të përballen me borxh në vlerë prej 31.4 trilionë dollarësh, prej 1 qershorit, shkruan REL.

Dështimi eventual i Qeverisë amerikane për të paguar obligimet e borxhit, rrezikon edhe kaos global financiar.

Presidenti Biden ka thënë të martën se takimet disaorëshe në Zyrën Ovale, kanë qenë “të mira dhe produktive”.

Në takim kanë marrë pjesë demokratë në pozita të larta, përfshirë nënpresidenten, Kamala Harris, shefin e shumicës në Senat, Chuck Schumer dhe udhëheqësin e pakicës në Dhomën e Përfaqësuesve, Hakeem Jeffries.

Në këmbim të ofrimit të mbështetjes për rritje të tavanit të borxhit, liderët republikanë janë duke kërkuar shkurtime buxhetore.

Ata po kërkojnë edhe ashpërsimin e kërkesave për pranuesit e ndihmës qeveritare.

Biden do të udhëtojë të mërkurën në Japoni, për të marrë pjesë në samitin e shtatë vendeve më të industrializuara, G7.

Planet kanë qenë që ai më pas të shkojë në Papa Guinenë e Re dhe Australi, mirëpo ato udhëtime janë anuluar.

Prekja e tavanit të borxhit nënkupton që Qeveria amerikane nuk mund të huazojë më shumë para.

Kjo do të thotë se Qeveria nuk mund të paguajë më pagat e punëtorëve federalë dhe atyre ushtarakë.

Edhe pagesat për pensionistët ndalen, po ashtu.

Kongresi amerikan ka votuar shpesh në të kaluarën për të rritur tavanin e borxhit.

Një mosmiratim i rritjes së tavanit – çka do të shënonte herën e parë – mund të shembë besimin në politikën amerikane dhe aftësinë e saj për të paguar faturat.

Ekspertët kanë paralajmëruar se ekonomia amerikane mund të përballet edhe me recesion dhe rritje të shkallës së papunësisë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika