Ish-presidenti amerikan Joe Biden është diagnostikuar me kancer të prostatës.
Një deklaratë nga zyra e tij bëri të ditur të dielën se ish-presidenti amerikan Joe Biden, 82 vjeç, është diagnostikuar me kancer të prostatës.
Diagnoza u bë të premten, pasi Biden kishte vizituar mjekun javën e kaluar për simptomat urinare.
Zyra e tij ka theksuar se kanceri ka një shkallë Gleason prej 9 dhe ka metastaza në kocka, që do të thotë se është një formë më agresive e sëmundjes.
Biden dhe familja e tij po shqyrtojnë opsionet e trajtimit.
Gjithashtu, zyra e ish-presidentit bëri të ditur se kanceri është i ndjeshëm ndaj hormoneve, çka do të thotë se mund të menaxhohet me trajtim./BBC