Presidenti i Shteteve të Bashkuara të Amerikës, Joe Biden, ka theksuar se shumica e palestinezëve nuk janë pjesë e organizatës Hamas dhe se kjo organizatë nuk përfaqëson popullin palestinez.
Në një deklaratë në platformën X, presidenti Biden ka thënë se edhe ata që janë pjesë e Palestinës po vuajnë nga aktet terroriste të Hamasit.
Ai ka thënë se është e rëndësishme të kemi një perceptim të qartë dhe të paanshëm rreth kësaj çështjeje.
“Nuk do të fshehim fjalët. Shumica dërrmuese e palestinezëve nuk janë pjesë e Hamasit. Dhe Hamas nuk përfaqëson popullin palestinez. Faktikisht, ata po vuajnë edhe ata si rezultat i terrorizmit të Hamasit. Ne duhet të jemi të qartë në lidhje me këtë realitet”, ka shkruar ai në X.
I won’t mince words.
The overwhelming majority of Palestinians are not Hamas. And Hamas does not represent the Palestinian people.
In fact, they’re also suffering as a result of Hamas’ terrorism. We need to be clear-eyed about that reality.
— President Biden (@POTUS) February 22, 2024
Lufta e Izraelit në Gazë i ka zhvendosur rreth 80 për qind të popullsisë prej 2.3 milionë nga shtëpitë e tyre. Shumica e tyre i dëgjuan urdhrat e Izraelit për t’u zhvendosur në jug të territorit dhe rreth 1.5 milion prej tyre janë vendosur në Rafah, në afërsi të kufirit me Egjiptin.
Lufta nisi kur militantët e Hamasit u futën në jug të Izraelit më 7 tetor 2023, dhe i vranë rreth 1.200 njerëz dhe i rrëmbyen mbi 250 pengje.
Rreth një e katërta e afro 130 pengjeve, që janë duke u mbajtur ende në Gazë, besohet se kanë vdekur.
Izraeli e ka bërë rrafsh me tokën shumicën e territorit palestinez si përgjigje ndaj sulmit të 7 tetorit.
Më shumë se 29.000 palestinezë janë vrarë nga sulmet izraelite prej atëherë, sipas Ministrisë së Shëndetësisë në Gazë.