Presidenti amerikan Joe Biden, ka thënë se do të takojë presidentin rus Vladimir Putin, vetëm nëse ky i fundit është i gatshëm që në samitin e ardhshëm të G20-s në Indonezi, të diskuton për lirimin e Grinerit.
“Nuk kam ndërmend të takohem me të. Por për shembull, nëse ai do të vinte tek unë në G20 dhe do të thoshte se dua të flasë për lirimin e Grinerit, do të takohesha me të”, ka thënë Bideni.
Kështu kur u pyet nëse kishte parë ndonjë veprim lidhur me rastin e basketbollistes Griner, ai u përgjigj “Jo nga Putini”.
Rasti i basketbollistes ka qenë me 4 gusht, që një Gjykatë në Rusi e ka dënuar Brittney Griner, basketbolliste femër në SHBA, me nëntë vjet burgim për posedim dhe kontrabandë të drogës.
Ndërsa, gjyqtarja e rastit, Anna Sotnikova, ka thënë se 31 vjeçarja Griner ka sjellur ilegalisht drogë në Rusi.