Bislimi i premton Kamberit: Çështja e licencimit të mjekëve nga Presheva do të zgjidhet shumë shpejt

Deputeti Shaip Kamberi ka thënë se gjatë takimit me Besnik Bislimin është diskutuar për domosdoshmërinë e zgjidhjes së çështjes së licencimit të mjekëve nga Lugina e Preshevës që punojnë në Kosovë

Zëvendëskryeministri i Kosovës, Besnik Bislimi, këtë të hënë është takuar me deputetin e vetëm shqiptar në Parlamentin e Serbisë, Shaip Kamberi, për të diskutuar pozitën “e vështirë dhe diskriminuese” që shqiptarët përjetojnë në Luginën e Preshevës.

Me anë të një postimi në Facebook, Kamberi ka thënë se gjatë takimit është diskutuar për domosdoshmërinë e zgjidhjes së çështjes së licencimit të mjekëve nga Lugina e Preshevës që punojnë në Kosovë.

“U informova se kjo çështje do të zgjidhet shumë shpejt”, shkroi ai.

Përveç situatës politike në Luginën e Preshevës, Kamberi e ka njoftuar Bislimin për 4 propozime ligjore që synojnë të krijojnë mekanizma ligjorë për mbrojtjen e të drejtave dhe lirive të pakicave.

Megjithatë, Parlamenti i Serbisë refuzon t’i trajtojë ato, duke i lënë ato jashtë rendit të ditës.

“Propozimet përfshijnë ndryshimin e Ligjit për përdorimin e lirë të simboleve kombëtare nga pakicat, Ligjin për mbrojtjen e të drejtave dhe lirive të pakicave, Ligjin mbi organizimin territorial të gjykatave, dhe ndryshimin e Rregullores së punës së parlamentit. Edhe pse procedurat parlamentare janë kaluar, këto çështje po përmbyten në debat”, shton ai.

Gjithashtu, Kamberi e ka falënderuar Bislimin për angazhimet e Qeverisë së Kosovës për hapat e ndërmarrë për të adresuar çështjen e shqiptarëve të Luginës së Preshevës, duke ofruar mbështetje financiare dhe duke theksuar rëndësinë e mospranimit të trajtimeve të dyfishta të pakicave në rajon.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika