Zëvendëskryeministri i Kosovës, Besnik Bislimi, të martën e 1 gushtit ka pritur në takim shefin e ri të EULEX-it, Giovanni Pietro Barbano.
Teksa e ka uruar Barbanon për pozitën dhe rolin e ri në krye të misionit të EULEX-it, zëvendëskryeministri Bislimi shprehu përkushtimin e angazhimin e tij maksimal në vazhdimin e bashkëpunimit në mes të Qeverisë dhe EULEX-it.
“U bisedua për bashkëpunimin ndërmjet Qeverisë së Republikës së Kosovës dhe institucioneve të rendit dhe sigurisë me misionin e EULEX-it, me qëllim të forcimit të sundimit të ligjit, si dhe për zhvillimet në vend”, thuhet në njoftimin e ZKM-së.
Zëvendëskryeministri Bislimi theksoi përkushtimin e Qeverisë për mbrojtje të lirive dhe të të drejtave të njeriut të të gjithë qytetarëve të Republikës së Kosovës pa dallim, si dhe ruajtjen e paqes, të rendit dhe të sigurisë në vend.