Adhurim Haxhimusa, i ftuar në emisionin “Five”, ka deklaruar se bizneset në Kosovë janë duke ngritur zërin për shkak të pamundësisë për t’u furnizuar me energji elektrike me çmime të përballueshme, të krahasueshme me tarifat e rregullta që kanë qenë më parë në fuqi.
Ai theksoi se situata aktuale ka ardhur si rezultat i disa faktorëve, përfshirë mungesën e kompanive të licencuara që ofrojnë shërbime me kapacitete të mjaftueshme njerëzore dhe ekspertizë të larmishme.
“Liberalizimi i tregut nënkupton edhe hapjen ndaj rreziqeve të ndryshme. Fatkeqësisht, në Kosovë mungojnë operatorë të tjerë përveç KESCO-s që mund të ofrojnë çmime konkuruese dhe të arsyeshme,” tha Haxhimusa.
Sipas tij, vetë KESCO detyrohet ta blejë energjinë nga jashtë për të furnizuar këto biznese, duke i përjashtuar ato nga prodhimi vendor dhe duke krijuar kështu një varësi edhe më të madhe nga importi.