Safet Blakaj nga “Labyrinth” ka deklaruar se është duke u rritur me “shpejtësi të madhe” numri i përdoruesve të drogës në vendin tonë. Sipas Blakaj, statistikat e fundit tregojnë se gjatë këtij viti mosha mesatare e përdoruesve është 20-27 dhe ka krahasuar me katër vite më parë, i bie që është rritur shumë.
Blakaj tha për “Five” se përdoruesit e drogave sikurse është “krekokokainë”, përdoruesit po mendojnë se është drogë e shtresave të larta dhe nuk ka efekte anësore, por përkundrazi ne si qendër e shohim se ka dëme të mëdha.
“Ne jemi të shqetësuar për trendet e përdorimit të drogës në Kosovë. Trendi është në rritje, Marihuana është rritje. Kjo është shqetësuese te mosha te fëmijët dhe nën moshën 18-vjeçare. Droga tjetër është kokaina, brenda katër viteve është trend në rritje, rritje e shpejtë për përdoruesit e drogave. Mënyra e përdorimit na shqetëson shumë, varianti kreko-*kokainë, që përdoret në tumosje dhe shkakton varëshmërinë dhe rrit agresivitetin te të rinjt. Para 4 viteve, mosha mesatare ka qenë 35-45 vjeç që janë paraqitur për trajtim, vitin e kaluar ka rënë, e këtë vit është paraqitur mosha 20-27 vjeç, që paraqiten për trajtim. Me shpejtësi po rritet numri i të rinjve. Është një keqkuptim, duke menduar se është drogë për shtresa të larta dhe nuk ka efekte anësore. Ka dëme dhe efekte anësore”, deklaroi Blakaj.
Blakaj deklaroi se viteve të fundit ka rënë dukshëm përdorimi i heroinës krahasuar me përdorimin e kokainës.