Blerim Isufaj votohet nga KPK- ja për Kryeprokuror të Shtetit

Blerim Isufaj, kryeprokuror i Prokurorisë Speciale

Këshilli Prokurorial i Kosovës ka votuar Blerim Isufaj për Kryeprokuror të ri të Shtetit.

Pas përfundimit të intervistimit të kandidatëve për kryeprokuror të shtetit, Blerim Isufaj, kryeprokuror i Prokurorisë Speciale, është renditur i pari, pas numërimit të pikëve.

Kështu ka njoftuar Këshilli Prokurorial i Kosovës (KPK).

Sipas njoftimit të KPK-së, i dyti është renditur Shqipdon Fazliu, i treti Kujtim Munishi, i katërti Armend Hamiti dhe i pesti Lulzim Sulejmani.

Intervistimi për pozitën e kryeprokurorit të shtetit është mbajtur më 20 mars nga paneli vlerësues.

Blerim Isufaj, kryeprokuror i Prokurorisë Speciale ka dalë me 98 pikë;

Shqipdon Fazliu, prokuror i Krimeve të Rënda në Prokurorinë Themelore në Prishtinë me 92 pikë;

Kujtim Munishi, kryeprokuror i Prokurorisë Themelore në Prishtinë me 84.2 pikë;

Armend Hamiti, kryeprokuror i Prokurorisë Themelore në Prishtinë me 80.6 pikë;

Lulzim Sylejmani, prokuror i Krimeve të Rënda në Prokurorinë Themelore në Prishtinë me 74.2 pikë.

Isufaj, nga KPK-ja, është propozuar për dekretim te presidentja e Republikës së Kosovës, Vjosa Osmani. Presidentja, sipas ligjit, e bën emërtimin, por mund edhe të mos e bëjë. Lëvizja Vetëvendosje kërkon që procesi të përsëritet nga pika zero.

Paraprakisht, Komisioni për Rishqyrtim i KPK-së më 1 prill 2022 kishte shqyrtuar kundërshtimet e katër kandidatëve të tjerë, për arsye se këto kundërshtime erdhën pasi Komisioni Rekrutes për përzgjedhjen e Kreprokurorit të Shtetit kishin renditur në këtë garë Blerim Isufaj, si më të suksesshmin, me 98 pikë.

Këshilli Prokurorial i Kosovës ( KPK )

Sipas Rregullores Nr.06/2019 për emërtimin e Kryeprokurorit të Shtetit dhe kryeprokurorëve të prokurorive të Republikës së Kosovës, Komisioni për rishqyrtim, nëse vlerëson se kundërshtimet e kandidatëve janë të bazuara, i dërgon KPK-së raport të arsyetuar dhe pastaj KPK- ja voton propozimin e këtij Komisioni.

Sipas kësaj Rregulloreje, nëse KPK- ja aprovon të gjeturat e këtij Komisioni, kërkon nga anëtarët e Panelit Vlerësues që të rishikojnë edhe njëherë procesin për të adresuar të gjeturat.

Por, nëse KPK-ja refuzon të gjeturat e këtij Komisioni, poentomi final do të konfirmohet dhe KPK- ja do të kalojë në procesin e votimit.

Isufaj në postin e Kryeprokurorit të Shtetit do të zëvendësojë Aleksandër Lumezin.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Avokati Gashi: Ka neglizhencë të hetimeve, Astrit Dehari është goditur...

Avokati Tomë Gashi ka njoftuar se të premten e 12 gushtit do të mbajë konferencë për media në lidhje me rastin e vdekjes së...

Të fundit nga rubrika