Sekretari amerikan i shtetit, Antony Blinken ka folur të shtunën e dhjetë shtatorit me presidenten e Komisionit Evropian, Ursula von der Leyen për të diskutuar mbështetjen e vazhdueshme për Ukrainën.
Në kuadër të këtij takimi është diskutuar dhe për afirmimin e angazhimit të Shteteve të Bashkuara për sigurinë energjetike të Evropës, po ashtu dhe për të vazhduar koordinimin për ta mbajtur Rusinë përgjegjëse për luftën e saj kundër Ukrainës.
Në diskutimet e sekretarit Blinken dhe presidentes der Leyen ka zënë vend dhe rëndësia e sigurimit të stabilitetit dhe sigurisë së vazhdueshme në Bosnje dhe Hercegovinë.
Sekretari amerikan Blinken ka theksuar rëndësinë e një Konference të Shtatë të suksesshme rimbushëse për Fondin Global për Luftimin e SIDA-s, Tuberkulozit dhe Malaries.