Blinken: Mbështetja e Kinës për Putinin “duhet të ngrejë këmbanat e alarmit”

Sekretari amerikan i Shtetit, Antony Blinken ka mbajtur një fjalim ku është biseduar për politikën e SHBA-së ndaj Kinës duke kritikuar Kinën për mbrojtjen e luftës së Rusisë ndaj Ukrainës

Sekretari amerikan i Shtetit, Antony Blinken

Sekretari amerikan i Shtetit, Antony Blinken, kritikoi Kinën për mbrojtjen e luftës së presidentit rus, Vladimir Putin kundër Ukrainës, duke thënë se mbrojtja “duhet të ngrejë këmbanat e alarmit për të gjithë ne që e quajmë rajonin Indo-Paqësor”, raporton CNN.

“Edhe pse Rusia po mobilizohej qartë për të pushtuar Ukrainën, Presidenti i Kinës Xi Jinping dhe Presidenti rus, Vladimir Putin deklaruan se miqësia midis vendeve të tyre ishte, dhe unë citoj, ‘pa kufij’,” tha Blinken, gjatë një ngjarjeje të organizuar nga Instituti i Politikave të Shoqërisë së Azisë në Universitetin George Washington në Washington, DC, më 26 maj.

Ai theksoi se SHBA nuk po kërkon një konflikt apo një luftë të re të ftohtë me Kinën.

“Detyra jonë është të dëshmojmë edhe një herë, se demokracia mund të përballet me sfida urgjente, të krijojë mundësi, të avancojë dinjitetin njerëzor, se e ardhmja u përket atyre që besojnë në liri dhe se të gjitha vendet do të jenë të lira të hartojnë rrugët e tyre pa detyrim”, tha Blinken.

“Ne nuk po kërkojmë për konflikt apo një luftë të re të ftohtë. Përkundrazi, ne jemi të vendosur t’i shmangim të dyja”, tha sekretari amerikan.

“Edhe pse lufta e presidentit Putin vazhdon, ne do të mbetemi të fokusuar në sfidën më serioze afatgjatë ndaj rendit ndërkombëtar – dhe kjo është paraqitur nga Republika Popullore e Kinës”, shtoi ai, transmeton PortaliD.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika