Sekretari i Shteteve të Bashkuara të Amerikës(ShBA) Antony Blinken, në Bukuresht të Rumanisë është takuar me Sekretarin e Përgjithshëm të NATO-s, Jens Stoltenberg në përpara Takimit të Ministrave të Jashtëm të NATO-s.
Sipas Departamentit të Shteteve të Bashkuar të Amerikës ata kanë biseduar për procesin e pranimit të Finlandës dhe Suedisë në NATO, ata kanë shprehur mbështetjen e tyre për finalizimin e këtij procesi
“Sekretari Blinken dhe Sekretari i Përgjithshëm Stoltenberg diskutuan prioritetet për takimin e ardhshëm, duke përfshirë mbështetjen e vazhdueshme për Ukrainën, forcimin e parandalimit dhe mbrojtjes së Aleancës dhe rritjen e qëndrueshmërisë”, thuhet komunikatën DASH.
Sekretari i Shteteve të Bashkuara të Amerikës, Antony Blinken do të udhëtojë për në Bukuresht të Rumanisë nga data 28-30 nëntor, ku do të marrë pjesë në Takimin e Ministrave të Jashtëm të NATO-s.
“Takimi i Ministrave të Jashtëm të NATO-s do të fokusohet në luftën e Rusisë kundër Ukrainës, zbatimin e Konceptit të ri Strategjik të NATO-s, duke përfshirë sfidat nga Republika Popullore e Kinës, sigurinë energjetike, mbrojtjen e infrastrukturës kritike dhe përpjekjet e NATO-s për të ndërtuar kapacitete dhe për të forcuar qëndrueshmërinë në Bosnje dhe Hercegovina, Gjeorgjia dhe Moldavia”, thuhet në njoftimin e Shtëpisë së Bardhë.
Agjenda e sekretarit të Amerikës, Blinken në Rumani
Ndërsa në Bukuresht, sekretari Blinken dhe kryeministri rumun Nicolae Ciucă do të vizitojnë ekspozitën “Ne njerëzit – 25 vjet partneritet strategjik” që feston momentet kyçe në partneritetin SHBA-Rumani që nga viti 1997.
Blinken do të shkojë në Bukuresht për zbatimin e Konceptit të ri Strategjik të NATO-s